Қарашаның 28 түнде Тблисидегі парламент ғимараты жанында наразылар мен полиция арасында қақтығыс болды. Полиция шерушілерге бұрышталған газ шашқан.
Бейсенбі күні елдің премьер-министрі Ираклий Кобахидзе «Грузин арманы-Демократиялық Грузия» партиясының Еуроодаққа қатысты ұстанымын хабарлаған болатын.
Онда биліктегі партия Еуроодаққа кіру туралы келіссөз жайын 2028 жылдың соңына дейін талқыламау және қауымдастық тарапынан берілетін гранттардан бас тарту туралы айтқан. Жаппай наразылық осы мәлімдемеден кейін басталды.
Наразыларға Грузия президенті Саломе Зурабишвили де қосылған. Ол билікті парламент сайлауын қайта өткізуге шақырды.
Фото: dw.com
