Ақпараттық хабарлама
freedom
Саясат Аналитика Қоғам Мәдениет Сұқбат Спорт Абай-175 Ұлттық спорт Экономика Malim podcast Inclusive society Әлем Құқық Денсаулық Тұлға-таным Кино Білім-ғылым Шоу-бизнес Әдебиет Оқиға Экология Хикаялар MALIMet

60 жыл жанында жүрген: ДНҚ тесті екі достың отбасы құпиясын ашты

Оқиға •
60 жыл жанында жүрген: ДНҚ тесті екі достың отбасы құпиясын ашты
Фото: malim.kz\ ЖИ арқылы өңделген

Екі ер адам мектеп кезінен дос болған. Бірге футбол ойнап, араласып, алпыс жыл бойы байланысын үзбеген. Бірақ бірінің өз әкесін іздеуі екеуіне де күтпеген отбасылық құпияны ашқан, деп хабарлайды Malim.kz.

Бұл оқиға 2017 жылдың соңында белгілі болған. Уолтер Макфарлейн туған әкесін ешқашан танымаған. Өзінің шыққан тегі туралы көбірек білгісі келіп, интернет пен әлеуметтік желіден ақпарат іздеген. Іздеу нәтиже бермеген соң, туыстарды ДНҚ арқылы табуға көмектесетін қызметке жүгінген.

Нәтижелерді қарауға қызы Синди көмектескен. Олар жақын туыстық сәйкестік көрсеткен аккаунттардың арасынан "Robi737" деген пайдаланушыны байқаған.

Бұл атау оларға таныс көрінген. Өйткені Уолтердің жақын досы Алан Робинсонды айналасындағылар "Роби" деп атайтын. Ал өзі әуе компаниясында Boeing 737 ұшағын басқарған.

Сөйтсе, Алан да өз отбасы туралы мәлімет іздеп, сол қызметті пайдаланған екен. Оны кішкентайында басқа отбасы асырап алған. Екі дос бір-бірінен бөлек ізденіп жүріп, ақыры бір нәтижеге келген: екеуінің туған анасы бір болып шыққан.

Осылайша, алпыс жыл бойы дос санап келген адамдары өздерінің бауыры екені анықталған. Екеуінің жас айырмасы небәрі 15 ай болған.

Inside Edition басылымына берген сұхбатында Уолтер бұл жаңалыққа қатты қуанғанын айтқан. Ал Алан осынша жыл бойы шындықты білмей жүргендеріне таңғалған. Оқиға жарияланған кезде Уолтер 74 жаста, Алан 72 жаста болған.

Олардың туған анасы бұл құпия ашылғанға дейін қайтыс болған. Сондықтан екеуі одан өткен өмірі туралы сұрап үлгермеген. Дегенмен балалары мен немерелері енді бір үлкен отбасы ретінде араласа алады деген үмітін бөліскен.

Екі дос жаңалықты жақындарына мерекелік басқосуда айтқан. Кейін бірге саяхаттап, зейнеттегі уақытын бірге өткізуге жоспар құрған.

Ал алпыс жылдық достықтың артынан туыстық байланыс табылған жер – АҚШ-тың Гавайи штаты. Уолтер Макфарлейн мен Алан Робинсон Гонолулудағы мектепте танысқан.

Ұқсас мақалалар

Жылдам сілтемелер
Іздеу