Ішкі істер министрі Алматы әуежайында болған оқиғаға қатысты пікір білдірді
Бұл дерек бойынша үш қылмыстық іс қозғалды
Ішкі істер министрі Ержан Сәденов Алматы әуежайында болған оқиғаға қатысты пікір білдірді, - деп хабарлайды Malim.kz тілшісі.
Бұл туралы ол Орталық коммуникациялар қызметінің подкастында айтты. Ержан Сәденов бұл дерек бойынша үш қылмыстық іс қозғалғанын хабарлады: кепілге алу, бұзақылық және жарылғыш зат туралы жалған хабарлама жасау.
"Менің тапсырмам бойынша полиция қызметкерлерінің әрекетіне қатысты тексеру жүргізіліп жатыр. Адамдар көп шоғырланатын жерде жарылыс, қару қолдану қаупі бар екенін ескерсек, полиция қызметкерлері дұрыс әрекет етті. Біз баға береміз, қазір тексеру жүріп жатыр", - деп жауап берді министр.
Бұған дейін не белгілі болды?
Еске салайық, бұған дейін қолына пышақ ұстаған ер адам әуежай қызметкерін кепілге алып, рюкзагында "бомба" бар деп жолаушыларды қорқытқан еді. Бұл дерек бойынша үш қылмыстық іс қозғалды. Сот шешімімен күдікті екі айға қамауға алынды.
Фото: Видеодан алынған кадр
