Жылыту кезеңі басталғаннан бері елімізде 913 өрт тіркелген

Сол оқиғалардың салдарынан 41 адам қаза тауып, 28 адам жарақат алған, деп хабарлайды Malim.kz.

Төтенше жағдайлар министрлігінің мәлімдеуінше,  құтқарушылар волонтерлермен бірлесіп үйлерге барып, тұрғындармен әңгімелесулер өткізіп, түсіндіру жұмыстарын жүргізіп отырады.

Тұрғандарға: 

* жылыту құрылғыларын қалай дұрыс пайдалану керек;

* жарамды электр сымдарының маңыздылығы;

* өрт сөндіру құралдарының болуының қажеттілігі;

* өрт болған жағдайда қалай әрекет ету керек дегендей негізгі қауіпсіздік ережелері түсіндіріледі.

Бүгін сондай шаралардың бірі Астанада өтіп, бірлескен профилактикалық жұмыс аясында елордалық және ақмолалық құтқарушылар елорда мен оған іргелес орналасқан облыстың аудандарында бірлескен рейд өткізді. 

Фото: ТЖМ