2 қыркүйекке арналған ауа райы болжамы
«Қазгидромет» РМК еліміздің барлық өңірінде ауа райына байланысты ескерту жариялады.
2 қыркүйекте Қазақстан аумағының басым бөлігінде атмосфералық фронтальды бөлімдер әлі де ауа-райының тұрақсыз сипатын сақтайды: найзағаймен жаңбыр жауады, елдің шығысында, оңтүстік-шығысында қатты жаңбыр, бұршақ, дауыл болуы мүмкін.
Республиканың батысында, солтүстік-батысында, солтүстігінде антициклон сілемінің әсерінен-жауын-шашынсыз ауа райы болады. Республика бойынша желдің күшеюі күтіледі. ҚР солтүстік-батысында, солтүстігінде түнгі және таңертеңгі сағаттарда тұман болады. Елдің оңтүстігінде шаңды дауыл күтіледі.
Солтүстік Қазақстан облысының солтүстігінде, Ақмола, Қарағанды облыстарының солтүстігінде, шығысында топырақ бетінде 2 градус аяз күтіледі.
Абай, Ұлытау, Жетісу облыстарында, Батыс Қазақстан облысыныңбатысында, Атырау облысының орталығында, шығысында, Маңғыстау облысының солтүстік-шығысында, орталығында, Қызылорда облысының солтүстік-батысында, орталығында, Ақтөбе облысының оңтүстігінде, батысында, орталығында, Алматы облысының солтүстігінде, орталығында, Шығыс Қазақстан облысының батысында, Қарағанды облысының батысында, шығысында, Қостанай облысының оңтүстігінде жоғары өрт қауіпі сақталады.
Қызылорда, Түркістан, Жамбыл, Атырау, Маңғыстау, Батыс Қазақстан облыстарында, Ұлытау облысының оңтүстігінде, Абай облысының батысында, солтүстік-батысында, оңтүстігінде, орталығында төтенше өрт қаупі сақталады.
Фото: kz.redtram.com
Байланысты жаналықтар
MalimBlocks
