Ақтөбеде саяжайдағы үйден шыққан өрттен егде жастағы ерлі-зайыпты қаза тапты

Ақтөбеде саяжай кооперативінде егде жастағы ерлі-зайыптылар үйлерімен бірге өртеніп кетті. Көршілерінің мәліметінше, зейнеткерлер мұнда ұзақ уақыттан бері тұрып келген, деп хабарлайды Malim.kz КТК телеарнасына сілтеме жасап. 

Бау-бақша ұжымындағы үйдегі өртті көрген көршілері бірден өрт сөндіру қызметіне хабарласқан. Бригада келгенше өртті өздері сөндіруге де тырысқан. Бірақ олардың шамасы жалынның алдын алуға келмеген. Өрт сөндірушілер келген кезде үй толығымен өртке оранған.

Үй түгелімен өртеніп кеткен. Өкінішке қарай, өрттен кейін зейнеткерлердің денелері табылды. Алдын ала нұсқа бойынша, қайғылы жағдайдың себебі электр сымдарының тұйықталуынан болған.

Осы үйден сегіз бірлік газ және оттегі баллондары алынды. Өрттің ықтимал себебі электр сымының пештен қысқа тұйықталуы болды, - деді Ақтөбе қаласы ТЖБ Астана ауданының ТЖ бөлімінің бастығы Данарбек Иманғазин.

Фото: видеодан скрин