Алматы облысы Іргелі ауылындағы жасөспірімнің халықаралық байқаудағы жеңісінен кейін үйіне оралған сәті түсірілген бейнежазба әлеуметтік желілерде кең тарап жатыр, деп хабарлайды Malim.kz.
Видеода чемоданын сүйреп келе жатқан бозбала үйінің қақпасына жақындап, анасынан: «Асфальт қайда?» деп сұрайды. Анасы не туралы айтып тұрғанын түсінбей, «Қай асфальт?» деп қайта сұрайды.
Сонда жас музыкант: «Мен әлемдік деңгейде бірінші орын алдым, ал асфальт қайда?» деп әзілмен жауап береді. Осы сәтте анасы ұлының қалжыңын түсініп, оны шашумен қарсы алады.
Видеоға «Қолдау тек спортқа емес, мәдениетке де қажет» деген жазба қоса берілген.
Айта кетейік, видеодағы бозбала - музыкант Әбілмансұр Далабек. Ол Бельгияда өткен халықаралық баяншылар байқауына екі аталым бойынша қатысып, біреуінде бас жүлдені жеңіп алған.
Фото: Instagram/jannilsin
MalimBlocks
