Астаналықтар Қадір түнін қалай қарсы алып жатыр?
Елордадағы мешіттерде де әдеттегідей адам қарасы көп.
Бүгін – Қадір түні. Қазақстан мұсылмандары діни басқармасының мәліметінше, Қадір түнінде еліміздің амандығы мен тыныштығын тілеп, су тасқынынан зардап шеккен халқымызға жеңілдік сұралады, деп хабарлайды Malim.kz.
Жалпы еліміз бойынша мұсылмандар мешіттерде, үйлерінде қасиетті түнді қарсы алып жатыр. Астанадағы мешіттерде де әдеттегідей адам қарасы көп.
Исі мұсылман баласының тағдыр жазылатын түнді тағатсыздана күтуінің бір хикметі – Жаратқанға жақындай түсуге талпынуы. Сондықтан бұл түнді сауапты істермен өткізуге тырысайық. Алла Тағаладан қасиетті Қадір түнінде еліміздің амандығы мен тыныштығын тілеп, су тасқынынан зардап шеккен халқымызға жеңілдік сұрайық. Жаратушы Иеміз қазақ еліне жар болғай, – дейді бас мүфти Наурызбай қажы Тағанұлы.
Қадір түні тілеген дұға-тілектеріңіз қабыл болсын!
Фото: Өркен ЖОЯМЕРГЕН
Байланысты жаналықтар
MalimBlocks
