Атырау облысында тасқын аумақтарында жел көтерілуіне байланысты бөгеттерде қауіпсіздік күшейтілді, деп хабарлайды Malim.kz.
«Қазгидромет» РМК Атырау облысы бойынша филиалының мәліметінше, Махамбет, Индер аудандарында батыстан, солтүстік-батыстан қатты жел соғып жатыр. Желдің көтерілу жылдамдығы секундына 6-11 метрге дейін жетеді деп күтіледі.
Сондай ақ, жел Атырау қаласында да күшейіп барады, соғуы секундына 7-12 м жылдамдыққа дейін жетуі мүмкін.
Ауа райының қолайсыздығына байланысты, Махамбет, Индер аудандары, Атырау қаласында бөгет бойындағы белгіленген учаскелерде кезекшілер күшейтілген режимде жұмыс істеп жатыр, деп мәлімдеді төтенше жағдай жөніндегі облыстық жедел штаб.
Еске сала кетелік, 8 маусым, 12:00 сағаттағы жағдай бойынша, Жайық өзеніндегі су деңгейі Индер ауданында – 896 см (шекті деңгейі – 845 см), Махамбет ауданында 993 см (шекті деңгейі – 850 см), Атырау қаласында 592 см (шекті деңгейі – 550 см) құрады.
Фото: Атырау облысының ТЖ жөніндегі жедел штабы
Байланысты жаналықтар
MalimBlocks
