Әуежайда ерлік жасаған азамат танымал әншінің туысы болып шықты

Бүгін Алматы әуежайында қаскөйдің қолынан пышақты жұлып алған ер адам туралы жаңа мәлімет пайда болды, деп хабарлайды Malim.kz.
Әуежай қызметкерін қаскөйден аман алып қалған ер адам – 52 жастағы Мұса есімді тұрғын. Ол танымал әнші, «Жігіттер» тобының мүшесі Бағлан Әбдірайымовтың ағасы болып шықты.
Мұса Сайрамбайұлы. 1973 жылы, Түлкібас ауданы, Күмісбастау ауылында дүниеге келген. 9 баланың кенжесі. Кәсіби спортпен шұғылданған. Қазіргі таңда 5 баласы бар, ардақты әке. Бүгінгі ерлігі рас ел шулап жатыр. Намысты жігігіттің бәрі сондай батылдық жасар еді… Ешкім батыр боламын, қахарман боламын деп жоспармен жүрмесі анық. Дер кезінде дұрыс шешім қабылдап, өміріңізді тапсыра салғаныңыз ерлік.Бұлай қаһарман боларын білгенде таңда бізді шығарып салғанда суретке түсіп алар едік. Ол 9:25 те Қостанайға ұшқанда көргенбіз, аманатын ап кеткенбіз. Мемлекеттік марапатқа да ұсынып үлгеріпті, - деп жазды Бағлан Әбдірайымов өзінің әлеуметтік желісінде.
Мемлекеттік наградаға ұсынылған азамат БАҚ-қа берген сұхбатында оқиға кезінде ашулы ер адам әуежайдың тексеру қызметкерін шашынан тартып, пышақпен қорқытқанын айтты.
Полиция қызметкеріне барма дедім, себебі олардың қолында қару болды. Басқа жағдай болып кете ме дедім, сол үшін алаңдадым. Сөйтіп қыздың орнына мен бардым, менің қолымнан ұстап тұрды. Полицейлер сөзге тартып, көңілін аулап тұрды. Мен соны пайдаланып, дұрыс сәтті пайдаланып, пышағын жұлып алдым, - деп түсіндірді оқиғаны ер азамат.
Айта кетейік, Президент Қасым-Жомарт Тоқаев қылмыскердің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырды.
Фото: видеодан кадр