Ауғанстан енді Қазақстанға қару-жарақ сата ма? - Жұманғарин түсіндірді
Премьер-министрдің орынбасары Серік Жұманғарин 21 қазанда Алматыда өткен көрмеде ауғандар неге қару-жарақ әкелгенін түсіндірді, деп хабарлайды Malim.kz.
Ашығын айтсақ, ол жерде ешқандай қару болған жоқ. Көрменің бұл бөлімі «антиквариат» деп аталды. Ауғандар – қолөнердің хас шебері. Олардың металмен не істейтінін көрулеріңіз керек. Қолдарынан бәрі келеді. Олар керемет заттар жасайды, бәрі жаңа. Олар дулыға, мушкет (мылтық) алып келді. Оның басым бөлігі – кәдесыйлар (сувенир). Адамдар оны сатып алып, мейрамханаға іліп қойса болады. Мұнда қару-жарақ жеткізу туралы сөз болмады. Олардың алып келген заттары көрмеге ерекшелік берді, - деді Серік Жұманғарин.
Вице-премьердің сөзінше, көрмеде ешқандай қару-жарақ болмаған.
Еске салайық, 21 қазанда Алматыдағы Атакент-Экспо көшенінде ауған тауарларының көрмесі өтті. Іс-шараға 80-нен аса компания қатысты. Көрмеде жемістер мен көкөністер, сусындар, жаңғақтар, шафран шайы, құрылыс материалдары, асыл тастар сияқты 150-ден аса өнім қойылды.
Фото: Үкімет
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
