«Басшылық қудалап жатыр»: Маңғыстауда мұнайшылар ереуілге шықты
1976 жылдан бері істеп келе жатқан «Жалғызтөбе» кен орнында 60-қа жуық мұнайшы жұмыс істеуден бас тартып отыр.
Маңғыстау облысында «Жалғызтөбемұнай» мұнай компаниясының жұмысшылары тағы да ереуілге шықты. Наразылық білдірушілер басшылық олардың еңбек құқығын бұзды деп отыр. Бұл туралы Orda.kz хабарлады.
1976 жылдан бері істеп келе жатқан «Жалғызтөбе» кен орнында 60-қа жуық мұнайшы жұмыс істеуден бас тартып отыр. Жұмысшылар мемлекет басшысына, сондай-ақ әкімге, прокурорға және ҚР Еңбек инспекциясы жөніндегі басқарма басшысына видеоүндеу түсірді.
Олар «Жалғызтөбемұнай» басшылығының қудалап, бірнеше адамды жұмыстан заңсыз шеттеткеніне шағымданды.
Біз бұған дейін ереуілге шығатынымызды ескерткен болатынбыз. Серік Серікбай қызмет бабын пайдаланып, жұмысшыларды қудалай бастады. Ол мұны тоқтатуы керек! Біздің ескертуімізді ешкім елемеді. Ешбір құзырлы орган немесе компания қызметкері ешқандай шара қолданбады. Бүгін, 26 маусымда біз ереуілдің басталғанын жариялаймыз, — деді мұнайшылар.
Фото:
Байланысты жаналықтар
MalimBlocks
