Бишімбаев мерзімінен бұрын босатылуы мүмкін бе – Әділет министрлігі пікір білдірді

Әділет вице-министрі Ботагөз Жақселекова Сенат кулуарында Қуандық Бишімбаевтың мерзімінен бұрын босап шығуы мүмкін бе деген сұраққа пікір білдірді, деп хабарлайды Malim.kz.

Қолданыстағы заңнамада шартты түрде мерзімінен бұрын босау мүмкіндігі қарастырылған. Бұл жазасын өтеп жатқан адам жақсы тәртібімен көзге түскен жағдайда мүмкін болады. Ауыр қылмыстарға келсек, шартты түрде мерзімінен босау үшін сотталушы жазаның үштен екі бөлігін өтеуі  тиіс. Шынында да, мұнда жәбірленуші тараптың келісімі қажет. Дегенмен де, бұл соттың айрықша құқығына жатады. Екіншіден, бізге осы іс бойынша үкімнің заңды күшіне енгенін күту керек. Сондықтан да осы сатыда қандай да бір пікір айту әлі ерте, - деді вице-министр.

Оның айтуынша, денсаулығына байланысты босату да сот шешіміне сәйкес жүзеге асады.

Бұл да сот шешіміне сәйкес жүзеге асады. Жалпы қылмыстық-атқару жүйесінде медициналық көмек көрсетіледі. Жақында түрмелерде сотталушыларды медициналық көмекпен қамту жүйесі ішкі істер органдарынан шығарылып, денсаулық сақтау министрлігіне берілді, - деп түсіндірді Әділет вице-министрі.

Фото: Жоғарғы сот