Елімізде ішімдік ішіп, көлік жүргізетіндер саны 15%-ға өскен
Мас күйінде қайта көлік тізгіндеу фактілері бойынша қозғалған қылмыстық істердің саны 20% көбейді.
Ішкі істер министрі Ержан Сәденов Үкімет отырысында ел аумағында жол ережесін бұзу фактілерін автоматты түрде тіркейтін неше камера бар екенін айтты, деп хабарлайды Malim.kz.
Министрлік жолдарда тәртіп орнату бағытында үлкен жұмыс жүргізіп жатыр. Басты назар — профилактика. Биыл жол ережесін бұзу 58%, қарсы жолаққа шығу деректері 70% көп анықталды. Ұсталған "мас" жүргізушілердің саны 15% өсіп, бәрі әкімшілік қамауға алынды. Мас күйінде қайта көлік тізгіндеу фактілері бойынша қозғалған қылмыстық істердің саны 20% көбейді. Өрескел бұзушыларды құқығынан айыру 2 есеге өсті, — деді министр.
Оның айтуынша, Қазақстан қалаларында жол қозғалысын бақылайтын 24 мыңнан астам камера жұмыс істеп тұр.
Қалаларда жол ережелерін бұзуды тіркейтін 24 мыңнан астам автоматты камера орнатылды. Патрульдік автокөліктерді бұзушылықтарды тіркейтін жүйелерімен жабдықтап жатырмыз. Бүгін осындай жүйелерді маршруттық автобустар, жедел жәрдем және мемлекеттік автокөліктерге орнату мәселелері пысықталуда. Бұл бастама Президентке баяндалды, — деді ол.
Фото: kolesa.kz
Байланысты жаналықтар
MalimBlocks
