Істі болған АМӨЗ-дің бұрынғы басшысы сотта жеңіп шықты
Енді ол сот шешімімен қызметіне қайта оралатын болды
Істі болған Атырау мұнай өңдеу зауытының бұрынғы басшысы Ғалымжан Жусанбаев Астанадағы сотта жеңіп шықты. Енді оған жұмыста болмаған уақыттары үшін жалақысы, сонымен бірге моральдық зиян ретінде 100 мың теңге өтемақы төленуі керек, деп хабарлайды Malim.kz.
Астана қаласының азаматтық істер жөніндегі ауданаралық соты Жусанбаевтың қатысушылардың кезектен тыс жалпы жиналысының хаттамасын, еңбек шартын бұзу туралы бұйрықтың жарамсыз деп тану, бас директор лауазымын қалпына келтіру, мәжбүрлі жұмыстан шығу уақыты үшін жалақыны өндіріп алу және моральдық зиянды өтеу туралы «АМӨЗ» ЖШС-не қатысты талабын қараған.
Сот еңбек шартының талаптары бойынша талапкерге 6 ай сынақ мерзімі белгіленгені, алайда шарт 1 ай өткеннен кейін бұзылғанын анықтаған.
Сот шешімімен талап қанағаттандырылды. Сот жауапкермен қызметкердің сынақ мерзіміндегі біліктілігіне сәйкес еместігін дәлелдей алмағандықтан, талапкердің құқықтары бұзылған деп таныды. Еңбек шарты жұмыстан шығару рәсімін бұза отырып күшін жойған, деп жазылған сот шешімінде.
Сонымен бірге, еңбек шартын бұзу туралы бұйрықты жарамсыз деп тану, Жусанбаевтың бас директор лауазымын қалпына келтіру туралы шешім шығарылып, мәжбүрлі жұмысқа келмегені үшін жалақысы және 100 000 теңге мөлшерінде моральдық зиянды өтеу өндірілді.
Сот шешімі заңды күшіне енген жоқ.
Фото: Malim.kz
Байланысты жаналықтар
MalimBlocks
