Жамбыл облысында тойдың қазысы мен тойбастарын ұрлаған күдікті ұсталды, деп хабарлайды Malim.kz.
Меркі ауданында полиция қызметкерлері тұрғын үй-жайларға ұрлық жасаған күдіктіні анықтады. Ер адам тұрғын үйлерге заңсыз кіріп, алтын әшекейлер, ноутбук және басқа да құнды заттарды ұрлаған. Сондай-ақ басқа тұрғын үйдің қоймасынан азық-түлік (жылқы қазысы), тойбастар сыйлықтарын және өзге де заттарды ұрлап кеткені белгілі болды, - делінген хабарламада.
Полиция қызметкерлері жүргізген жедел іздестіру шаралары барысында бұрын сотталған 39 жастағы ер адам ұсталды. Аталған дерек бойынша ҚР ҚК-нің тұрғын-жайға заңсыз кірумен жасалған ұрлық бабымен сотқа дейінгі тергеу басталды.
Күдікті уақытша ұстау изоляторына қамалды. Қазіргі таңда тергеу амалдары жүргізіліп жатыр.
Фото: Polisia.kz.
