Өскеменде көршілерінің көлігін аңдып, видеоға түсірген ер адам көпшіліктің ашуын туғызды
Ер адам оталып тұрған көліктің уақытын есептеп, полицияға шағымданады
Өскемен қаласында көршілерінің көліктерін қыздыру уақытын видеоға түсіріп, полицияға хабар беретін ер адамның әрекеті қызу талқыға түсті, деп хабарлайды Malim.kz.
Буров көшесі, 24-үй, 2-подъезд. Әр таң сайын сағат 7:30-да түсіріп, полицияға қоңырау шалады. Түк бітірмейді. Әр күн осылай, делінген ақпаратта.
Бейнежазбада белгісіз ер адам көпқабатты үйдің подъезі алдында тұрып, қызып тұрған көлікті түсіріп жатыр. Бейнежазба авторының айтуынша, ол бұл туралы көлік иесіне ескертуге тырысқан. Бірақ көліктің дабылы қосылмаған.
Жақында ҚР ІІМ көлікті бес минуттан артық қыздырғандарға тыйым салынатынын еске салған болатын. Ереже бұзғандарға жаза қолданылуы мүмкін. Көлікті бес минуттан артық қыздыру үшін салынатын айыппұл көлемі – 5 АЕК (19 660 теңге), ал ережені қайталап бұзса – 10 АЕК (39 320 теңге).
Көлік иелері заңды қайта қарауды талап етуде, себебі климаттық жағдайда көлікті қыздыруға бес минут жеткіліксіз.
Фото: видеодан кадр
Байланысты жаналықтар
MalimBlocks
