Қарағанды облысында атысқа қатысы бар делінетін 4 күдікті ұсталды
Қарағанды облысында полиция Шет ауданы Ағадыр ауылында атыс ұйымдастырған 4 адамды ұстады.
Олар адам өлтіруге әрекеттенді деген күдікке ілінген. Бұл туралы полиция департаменті басшысының орынбасары Әбіл Әбілдин айтты.
- Адам өлтіруге әрекеттенді деген күдікпен Ағадыр ауылының 28-47 жас аралығындағы 4 азаматы ұсталды. Күдіктілер уақытша қамау изоляторына қамалды. Тергеу амалдары жүріп жатыр, - деді Ә. Әбілдин.
Еске сала кетейік, 31-наурызда әлеуметтік желіде Қарағанды облысы, Ағадыр ауылында атыс болғаны жайлы видео тарады. Осы оқиғадан кейін аяғына оқ тиген ауыл тұрғыны медициналық көмекке жүгінген.
Фото: Интернеттен
