Тарихи отанына оралған Қазақстан корейлері қазақ халқына алғыс айтты. Бұл туралы 24.kz сайты жазды.
1 наурыз Оңтүстік Кореяда мемлекеттік мереке – Тәуелсіздік қозғалысы күні. Кезінде елінің азаттығы үшін күрескен кәріс ұлтының көптеген батырлары Қазақстанға жер аударылған болатын. Олардың біразы Қызылордадан баспана тапты, кейін олардың сүйегі Оңтүстік Кореяда құрметпен қайта жерленді.
Бұл күнді ТМД елдерінен келген корейлердің басын біріктіретін қоғамдық ұйым мүшелері еске алып, атап өтті.
«Мен қазақ халқының жасаған барлық жақсылығы үшін, Қазақстан топырағында біздің ата-бабамызға көрсетілген игі құрметі үшін шексіз алғыс білдіргім келеді. Әрине, бүгінде Қазақстаннан көшіп келген корейлердің міндеті екі ел арасында, Қазақстан мен Корея арасында көпір болу. Қазақ халқына мың алғыс!», - деді «Корёин Global Network» қоғамдық ұйымының президенті Евгения Цхай.
Фото: видеодан скриншот
