Құрбан айт-2024: ел аймақтарына арналған намаз уақыты белгілі болды
Арафа күні 15 маусымға сәйкес келеді.
Қазақстан мұсылмандарының діни басқармасы Қазақстан қалаларында Құрбан айт мерекесіне арналған намаз уақытын белгіледі, деп хабарлайды Malim.kz.
16 маусым Құрбан айт мерекесінің алғашқы күні деп жарияланды. Бұл күні көптеген мұсылман мерекелік таң намазын оқиды. Оның уақыты күннің шығуымен байланысты.
(Фото: ҚМДБ)
6 маусымда ай жаңарғандықтан, Зул-хиджа айы биыл жетінші маусымда басталады. Ал Арафа күні 15 маусымға сәйкес келеді. Демек, Құрбан айт 16 маусымда басталады, – делінген хабарламада.
Еске салсақ, ҚМДБ Құрбан айт қашан басталатынын айтқан болатын.
Биыл құрбандықты онлайн шалуға болады. Сондай-ақ бұл күндері астаналықтар автобустарда тегін жүреді.
Фото: kazislam.kz
