16 маусым: ҚМДБ Құрбан айт қашан басталатынын айтты

Бүгін һижри жыл санауы бойынша зул-хижжа айы басталды.

Malim Админ

  • 07.06.2024

Мұсылмандар діни басқармасының мәліметінше, Құрбан айт 16 маусымда басталады, деп хабарлайды Malim.kz.

ҚМДБ бүгін зул-хижжа айы басталғанын мәлімдеді.

«Бүгін һижри жыл санауы бойынша зул-хижжа айы басталды. Яғни Арапа күні биыл 15 маусымға сәйкес келеді. 16 маусым – Құрбан айт мерекесінің бірінші күні.

Ислам дінінде қасиетті күндер, түндер және айлар қамари жыл санауы негізінде анықталады. Мұндай жыл санақ ай фазасының өзгеруіне қарай есептеледі. Жаңа айдың (һиләлдың) көрінуімен жаңа ай басталады. Қамари ай кейде 29 не 30 күн болады.

Зул-хижжа айын анықтау үшін зул-қағда айының 29-нда айды бақылайды. Күн батқан кезде жаңа ай көрінсе, келесі күні зул-хижжа айы басталған болып саналады. Егер ауа бұлтты болып, ай көрінбесе, зул-қағда айын 30 күнге толықтырады. Осыған орай, 2024 жылы 6 маусымда жаңа айдың көрінуіне байланысты биыл зұлхижжа айы 7 маусымда басталып, арапа 15 маусымға, ал құрбан айт 16 маусымға сай келеді», - делінген хабарламада.

Еңбек және халықты әлеуметтік қорғау министрлігі бұл мәлімдемеге қатысты түсініктеме беріп, Құрбан айттың басталу күні бастапқыда 17 маусым деп белгіленгенін айтты. Осыған байланысты қазақстандықтар дүйсенбі, 17 маусымда демалады деп жоспарланған болатын.

«Демалыс күндеріне келетін діни мерекелерді кейінге қалдыруға болмайды. Сондықтан, бұл демалыс күні болғандықтан, кейінге қалдырылмайды», - делінген хабарламада.

Еске сала кетейік, осыған дейін биыл Құрбан айт мерекесі 17 маусым - дүйсенбіге сәйкес келетіні хабарланған болатын. Бұл күн Қазақстанда демалыс күні болуы керек еді.

Фото: BAQ.KZ

Байланысты жаналықтар

Құрбан айттың алғашқы күнінде қанша мал сойылды

17.06.2024

Бүгін – Құрбан Айт!

16.06.2024

Алдағы демалыс күндері ауа райы қандай болады

14.06.2024

Бас мүфти Құрбан айтқа байланысты қазақстандықтарға үндеу жолдады

12.06.2024

Құрбан айт-2024: Үш күн мейрамда не істеу керек

12.06.2024

Құрбан айт-2024: ел аймақтарына арналған намаз уақыты белгілі болды

11.06.2024
MalimBlocks
Құрбан айттың алғашқы күнінде қанша мал сойылды

Оның ішінде: қой – 17 327, ешкі – 1 597, ірі қара – 1 307, түйе – 5.

Бүгін – Құрбан Айт!

Ел азаматтары құрбандығын онлайн форматта да шала алады

Алдағы демалыс күндері ауа райы қандай болады

Еліміздің батысында ауа температурасы +33+42°С, оңтүстігінде +35+42°С, оңтүстік-шығысында +28+38°С, солтүстігінде +26+34°С, орталығында +25+33° С дейін, шығыста +21 + 31°С дейін жоғарылайды.

Бас мүфти Құрбан айтқа байланысты қазақстандықтарға үндеу жолдады

Құрбан айт-2024: Үш күн мейрамда не істеу керек

Құрбан сөзі араб тілінде «жақындау» деген мағынаны білдіреді, яғни жасаған сауап істер арқылы жүректі тазартып, Аллаға жақындай түсу. Ал айт – мереке, мейрам, қуаныш деген сөз.

Құрбан айт-2024: ел аймақтарына арналған намаз уақыты белгілі болды

Арафа күні 15 маусымға сәйкес келеді.