Қаржы министрлігі салық төлемейтін борышкерлердің тізімін жариялауға дайын, деп хабарлайды Malim.kz.
Қазақстан Республикасы Қаржы министрінің орынбасары Ержан Біржанов Салық кодексіне сәйкес, салық бойынша берешек салық құпиясына жатпайтынын еске салды.
Біз салық төлемейтін борышкерлердің тізімін жариялайтын боламыз. Салықтан жалтарып жүргендер тізімін өзіміздің сайтта орналастыра аламыз, – деді ол.
Сондай-ақ, ол жаңа Салық кодексі аясында Қаржы министрлігі салық берешегін өндіріп алу шараларын қайта қарап жатқанын айтты.
Бұрын зейнетақы мен әлеуметтік төлемдер бойынша небәрі 100 теңге берешек болса да, есепшоттар бұғатталатын. Қазір біз салық бойынша шекті соманы қайта қарап, оны 20 АЕК-тен жоғары деп белгіледік – бұл шамамен 80 мың теңге. Мұндай жағдайда алдымен борышкерге ескерту жіберіледі, онда: "Сізде берешек бар және оған айыппұл есептелуде" деп жазылады. Келесі кезең – 20-дан 45 АЕК-ке дейін, яғни 180 мың теңге берешек. Бұл кезде банкке инкассалық өкім жіберілетіні хабарланады. Егер салық төленбесе, мүлікке тізімдеу және сату шарасы қолданылуы мүмкін, – деп түсіндірді вице-министр.
Жалпы алғанда, қолданылатын санкциялар салық берешегінің мөлшеріне байланысты болады.
Фото: ОКҚ
Байланысты жаналықтар
MalimBlocks
