Абай облысының білім басқармасы тәрбиелік жұмысты тиісті деңгейде ұйымдастырмағаны үшін қолданылған шаралар жөнінде ақпарат таратты, деп жазады Malim.kz.
Мектеп директорларының тәрбие ісі жөніндегі орынбасарлары, сынып жетекшілері және мектеп психологтары тәртіптік жауапкершілікке тартылған.
№15 мектептің директоры мен Ш. Уалиханов атындағы «Жас Ұлан» мамандандырылған ерлер лицей-интернатының басшысына сөгіс жарияланды.
№9 мектептің директоры қызметінен босатылып, оның тәрбие ісі жөніндегі орынбасарына қатаң сөгіс берілді.
Еске салсақ, Семейде аса қатыгездікпен жасалған оқиға қоғамды дүр сілкіндірді. 24 ақпанда әлеуметтік желілерде жасөспірімдердің баланы жерге құлатып, тепкілеп, оның басынан теуіп, үстіне секіріп, түрлі жолмен қорлаған видеосы тарады.
Абай облысының полиция департаменті оқушыны соққыға жығу дерегі бойынша қылмыстық іс қозғады. Сондай-ақ оқиғаны ерекше бақылауға алғанын хабарлады. Барлық қатысушылар ата-аналарымен бірге полиция бөліміне жеткізілген, ал зардап шеккен жасөспірімге қажетті көмек көрсетілген.
Фото: видеодан скрин
Байланысты жаналықтар
MalimBlocks
