"Қазмырыш" Мырыш зауытының жұмысшысы Сергей Панасюктің айтуынша, Президент Жолдауындағы 2025 жылдың Жұмысшы мамандықтары жылы деп жариялануы маңызды әрі уақтылы, деп хабарлайды Malim.kz.
"Біз, еңбек адамдары үшін Президенттің Жұмысшы кәсібінің беделін көтеруі өте маңызды. Бұл дұрыс қадам. Қасым-Жомарт Тоқаевтың еңбек адамдарына қамқор болғаны қуантады. Ол адал, қажырлы еңбекпен жетістікке жеткен адамдар әрқашан құрметке ие болғанына назар аударғаны кездейсоқ емес. Шынында да, біздің қоғамдағы еңбекқорлық пен кәсіпқойлықтың құндылықтары әрқашан бірінші орында болуы керек", - дейді Сергей Панасюк.
Естеріңізге сала кетейік, Қасым-Жомарт Тоқаев Қазақстан халқына Жолдауында кәсіптік білім беруді реформалаудың маңыздылығын атап өтті. Сондай-ақ 2025 жылды Жұмысшы мамандықтары жылы деп жариялап, біздің қоғамда адал және жауапты еңбектің лайықты бағаланатынын түсіну керек екенін айтты.
Фото: Altainews.kz
