Жыл басынан бері Түркістан облысынан 1200-ге жуық азамат солтүстікке қоныс аударған, деп хабарлайды Malim.kz. Аlmaty.tv сайтына сілтеме жасап.
Биыл «Қуатты өңірлер – ел дамуының драйвері» ұлттық жобасы аясында 7 мың квота бөлінді. Бұл тұрғындарға 7 облыстың біріне қоныс аударуға мүмкіндік береді.
Сайрам ауданына келген насихат тобы теріскейге көшуге ниет білдіргендерге қандай жағдай жасалатынын түсіндірді. Ұсынысқа қызығушылық танытқандар көп. Олардың арасында Азиза Ергешбаева да бар. Сайрам ауданының тұрғыны солтүстікке көшіп, өз мамандығы бойынша жұмыс істеп, сәті түссе кәсіп ашсам дейді.
"Өз мамандығым бойынша жұмыс істесем деймін. Одан бөлек, өзімінің бизнесімді бастасам деген ниетім бар еді. Көшіп барғанда қандай көмек көрсетіледі деген сұраққа жауап ала алдым", - дейді Сайрам ауданының тұрғыны Азиза Ергешбаева.
Мамандар қоныс аударған отбасының әр мүшесіне 258 мың теңгелік бір реттік материалдық көмек берілетінін айтады. Ал үйді азаматтардың өзі сатып алады. Оның 4 млн 282 мың теңгесін мемлекет өтейді.
Фото: видеодан кадр
