Су тасқынының болуы және 25 мамырдың демалыс күніне сәйкес келуіне байланысты 24 мамыр күні барлық мектепте 2023-2024 оқу жылының аяқталуына арналған сынып сағаты ұйымдастырылады, деп хабарлайды Malim.kz.
Онда сынып жетекшілері оқушылармен бірге өткен оқу жылын қорытындылайды, - деді министрлік өкілі Қарлығаш Құрманбекова.
Биыл елімізде 3,8 млн-нан астам оқушы 2023-2024 жылғы оқу жылын аяқтайды.
Оның ішінде, 186 мың түлек мектеп бітіреді.
11 (12) сынып түлектеріне аттестат тапсыру және ерекше үлгідегі «Алтын белгімен» марапаттау 12-15 маусым аралығында мектептердегі барлық емтихандар аяқталғаннан кейін өтеді.
Бұған дейін хабарланғандай, биыл 9-11 сынып түлектеріне ақша жинап, түрлі шара жасауға тыйым салынады. Мұндағы мақсат – мектеп бітірушілердің қауіпсіздігін және олардың емтиханға дайындалуын қамтамасыз ету.
Фото: интернеттен
