Су тасқыны: Дағыстан азаматы Атырауға көмек ретінде 50 мың дана қап әкелді
Қазіргі уақытта Астрахан облысының этникалық қазақтары гуманитарлық көмек жинауға кірісіп кеткен.
Омарасхаб Ахмедов сөмке-сөмке қапты Атырау облысына жеткізу үшін тура бір тәулік жүріп келген, деп хабарлайды Malim.kz.
Омарасхаб Қазақстанда су тасып, Ресеймен шекаралас облыста жағалауды нығайту жұмыстарына арналған қаптың жетіспей жатқанын естіген.
Туысқандарым әлеуметтік желіден Қазақстанның Ресеймен шекаралас аймақтарында тасқын судан қорғаныс бөгетін бекіту үшін қап жетіспейді деген ақпаратты оқыпты. Олар бұл ақпаратты маған жеткізді. Содан соң бауырлас елге көмек беру үшін таныстарымнан қап іздей бастадым. Досымның зат сақтайтын қоймасы бар еді. Түнгі сағат 02:00 шамасында сол қоймадан жүк таситын ГАЗель көлігіме 50 қапты тиеп, жолға шықтым. Атырауға тезірек жету үшін түнімен жолда жүрдім, -дейді Омарасхаб Ахмедов.
Оның айтуынша, оның туған жерінде Атырау облысына гуманитарлық көмек жинап жатқан таныстары мен достары көп. Омарасхабты өз елінде күтіп отыр. Енді Атырау облысына гуманитарлық көмектің тағы бір партиясын жеткізеді.
Мен бауырлас халықтың осындай қиыншылыққа тап болғанын білгенде, бірден шығу керек деп шештім, – дейді ол.
Айта кетейік, қазіргі уақытта Астрахан облысының этникалық қазақтары гуманитарлық көмек жинауға кірісіп кеткен. Келесі күні олар жүктерді Атырауға жіберуге ниетті.
Фото: видеодан скрин
