Су тасқыны: Қоғам белсендісі азаматтарды көмек беруге шақырды

Енді қарғын су Атырауға қауіп төндіріп тұр.

Malim Админ

  • 10.04.2024

Су тасқыны қазір 12 облысты тарының қауызына тығып тастады. Бірақ қазақтың пейілі Сарыарқадай кең ғой. Оңтүстігі мен Шығысы, Батысы мен орталығы септесіп, қолдан келген көмегін аямай жатыр. Бүгін Бауыржан Бабажанның жазбасынан оқыдым. Әйелі және жеті баласымен мұз аралас судың ортасында қалған Ойылдың азаматын жерлестері тасқын судан құтқарып алыпты. «Құтқарып алыпты» дегеннің өзі құрғақ сөз. Әйтпесе, сең араласқан тастай суды екі шақырым жерге дейін белуардан кешіп барып, тоғыз адамды аман-есен құрғақ жерге екі сағаттың ішінде алып шығудың өзі ерлік! Тастай суда пәлен сағат шыдап отырған кіп-кішкентай балалардікі де ерлік!

Енді қарғын су Атырауға қауіп төндіріп тұр. Ор қаласында жарылған дамбаның суы бір-екі күнде қалаға жетеді. Түрлі видеодан көріп отырмыз. Жем өзенінен тасыған су қазір Каспийге құйып жатыр екен. Жем болса, қазір өз арнасын тауып, ашуы сабасына түсе бастапты. Ол да бір жақсылықтың нышаны. Ең қиыны – Ресейдегі Иректі су қоймасының көтерілуі еді. Бүгінгі ақпаратқа сәйкес, Иректің су деңгейі төмендей бастапты. Оған да шүкір дейік! Қарғын су апаты бізден өтіп, қар мен мұздың көбесі енді сөгіле бастаған Сібірге ауып барады.

Айқайлағанымызға да біраз уақыт өтті. Енді «ойбай, анау министр неге өйтпеді, мынау әкім неге сөйтпеді?» деп кінәласуды тоқтата тұрып, нақты көмекке кіріскеніміз жөн. Ертең бұл апат та өтер, кетер. Кінәлілер сөзсіз жазасын алар. Жазасын адамнан алмаса, Құдайдың жазасынан құтылмас. Мұның бәрі ертеңгінің ісі. Ал біз назарымызды барынша бүгін не істейміз деген мәселеге аударғанымыз дұрыс. Ең бастысы, ел болып жабылып, көмек беруді тоқтатпайық!

Тоқтар Жақаш

Сурет: Malim.kz  

Байланысты жаналықтар

Су тасқыны: Жайық деңгейінің көтерілуіне байланысты бөгеттер нығайтылып жатыр

27.05.2024

Тасқын салдарымен күрес шаралары: 25 мамырдағы жағдай

25.05.2024

Қазақстандағы су тасқыны: Өңірлерде 356 отбасыға жаңа баспана берілді

24.05.2024

Су тасқыны: Бектенов әкімдерге қалпына келтіру жұмыстарын тездетуді тапсырды

20.05.2024

Атырау мен Индербор, Махамбет ауылдарында су қалыпты деңгейінен жоғары

19.05.2024

Атырау облысындағы Жайық өзеніндегі су деңгейі бойынша мәлімет

18.05.2024
MalimBlocks
Су тасқыны: Жайық деңгейінің көтерілуіне байланысты бөгеттер нығайтылып жатыр

Республика бойынша эвакуацияланған 61 966 адам өз үйіне оралды.

Тасқын салдарымен күрес шаралары: 25 мамырдағы жағдай

Су сору жұмыстары жалғасып жатыр

Қазақстандағы су тасқыны: Өңірлерде 356 отбасыға жаңа баспана берілді

Бұл жұмыстар Қостанай, Ақтөбе, Ақмола, Батыс Қазақстан, Қарағанды, Павлодар, Абай және Ұлытау облыстарында толығымен аяқталды.

Су тасқыны: Бектенов әкімдерге қалпына келтіру жұмыстарын тездетуді тапсырды

Жетекшілік ететін бағыттар бойынша зардап шеккен өңірлердің әкімдері мен министрлердің баяндамасы тыңдалды.

Атырау мен Индербор, Махамбет ауылдарында су қалыпты деңгейінен жоғары

Облыстық жедел штаб бүгінгі мәліметті таратты

Атырау облысындағы Жайық өзеніндегі су деңгейі бойынша мәлімет

Индербор, Махамбет ауылдары мен Атырау қаласында жағдай қиын