Алғашқы оқу тоқсанының аяқталуына үш аптадай уақыт қалды. Биылғы күзгі каникул 27 қазанда басталып, 2 қарашаға дейін жалғасады, деп жазады Malim.kz.
Оқу-ағарту министрлігі шілде айында 2025–2026 оқу жылындағы мектеп оқушыларының демалыс күнтізбесін бекіткен болатын. Жоспарға сәйкес, бірінші тоқсан сегіз аптаға жалғасады. Оқушылардың күзгі демалысы жеті күнге созылып, 27 қазаннан 2 қараша аралығын қамтиды. Ал екінші тоқсан 3 қарашадан басталып, ол да сегіз аптаға жалғасады.
Айта кетерлігі, 27 қазан – Республика күні мерекесіне байланысты демалыс күні болып белгіленген. Сондықтан бұл күні бес күндік жұмыс кестесімен еңбек ететін барлық қазақстандықтар да демалады.
Фото: istockphoto.com
