Кәрім Көкірекбаев ірі мөлшерде пара алды деген күдікпен ұсталды
«BAZIS CONSTRUCTION» – «INFR» ЖШС филиалының директорынан пара алған
![](/images/article-img/1600/18848-1672121380-m.jpeg)
«ҚР ТЖМ Қазселденқорғау» мемлекеттік мекемесінің директоры Кәрім Көкірекбаев үлкен сомада пара алды деген күдікпен ұсталды. Оның ұсталғанын Сыбайлас жемқорлыққа қарсы іс-қимыл агенттігі растады.
Агенттік мәліметінше, Көкірекбаев «BAZIS CONSTRUCTION» – «INFR» ЖШС филиалының директоры Андрея Поплавскийден шамамен 800 мың доллар көлемінде пара алып жатқан жерінен ұсталған.
Бұрын, 2013 – 2018 жылдары Көкірекбаев Жамбыл облысының әкімі болған. 2019 жылдың тамыз айынан бастап «Қазселденқорғау» мемлекеттік мекемесін басқарып келді. Бұл тағайындауға дейін ол Қазақстанның Қырғызстандағы елшісі қызметін атқарған болатын.