Қайрат Сатыбалдының бұрынғы әйелі Универсиада-2017 қаражатын ұрлаған ба?
Ол аса ірі мөлшерде бюджет қаражатын жымқыру фактісі бойынша тергеліп жатыр.
Гүлмира Сатыбалдының тағы бір қылмысы ашылатын сыңайлы. Алматы қаласы бойынша Сыбайлас жемқорлыққа қарсы қызмет оған қатысты тергеу жүргізіп жатыр.
Гүлмира Сатыбалды 2019 жылы 2017 жылғы Универсиада нысандары құрылыс-монтаж жұмыстарының нақты орындалмаған міндеттері үшін төленген аса ірі мөлшерде бюджет қаражатын жымқыру фактісі бойынша тергелуде. Бұл туралы Сыбайлас жемқорлыққа қарсы іс-қимыл агенттігі мәлімдеді.
Сотқа дейінгі тергеп-тексеру ісі аса ірі көлемдегі бюджет қаражатын жымқыру деректерін ашпақ. Мемлекеттік органдардың лауазымды тұлғалары мен «Ария-Жаңа Астана» ЖШС басшылығы күдікке ілінген.
Өзге ақпарат тергеу мүддесінде жария етуге жатпайды. Еске сала кетейік, Гүлмира Сатыбалды 747 млн теңге бюджет қаражатын жымқыру бойынша тергеуге алынған.
MalimBlocks
