Қытай мен Ресей өзара кеңесті
Оның сөзінше, Ресей тарапы БҰҰ, Шанхай ынтымақтастық ұйымдарының жарғыларындағы көп жақты келісімдерді бұлжытпай орындайды.
Фото: Жэньминь Жибао
12 қараша күні Қытай астанасы Бейжің қаласында Ресей Қауіпсіздік кеңесінің хатшысы С.Шойгу Қытай мен Ресейдің стратегиялық қауіпсіздік жөніндегі кеңесіне қатысып, екі жақтың ортақ мүддесі бар қауіпсіздік мәселелер бойынша пікір алмасқан. Бұл жөнінде Қытайдың Жэньминь Жибао (Халық газеті) басылым хабарлады.
Қытайдың Сыртқы істер министрі Ван И биыл Қытай мен Ресей арасындағы дипломатиялық қарым-қатынастың орнағанына 75 жыл толатынын, ал Қытай төрағасы Си Цзиньпин мен Ресей президенті Владимир Путиннің биылғы жылдың басынан бері үш кездесу өткізгенін, онда бірқатар стратегиялық жоспарлар жасалғанын атап өтті. Ол стратегиялық өзара сенім мен ынтымақтастықты нығайтудың маңыздылығына тоқталған.
Ван И Қытай Ресеймен қарым-қатынасының жоғары деңгейде сақталуын қалайды. Қытай тарапы әрқашан халықаралық мәселелерге назар аударып, жаһандық стратегиялық тұрақтылықты бірлесіп қорғауға дайын. С.Шойгу екі ел басгшылары қол жеткізген уағдаластықты жүзеге асырудың маңыздылығын айтты. Оның сөзінше, Ресей тарапы БҰҰ, Шанхай ынтымақтастық ұйымдарының жарғыларындағы көп жақты келісімдерді бұлжытпай орындайды. Ол сондай-ақ БРИКС ұйымының да маңыздылығын атап һткен.
АҚШ билігіне Трамп келгеннен соң Ресей мен Қытай қауіпсіздік мәселесін жиі сөз ете бастады. Батыс елдері Ресейді БҰҰ жарғыларын жиі бұзады деп сынайды. Қытайды да БҰҰ-ның жарғыларын сақтауға шақырып келеді.
