«Сайлауға үй жануарларын алып баруға бола ма?». Сайлау комиссиясының төрағасы Жанна Асанова журналистердің сауалына жауап берді.
«Дауыс беру күні сайлау учаскесіне итпен келуге тыйым салынады, өйткені біздегі сайлау учаскелерінің басым бөлігі оқу орындарында орналасқан. Үй жануарларын оқу орындарына кіргізуге болмайды. Сондықтан, дауыс беру күні сайлау учаскесінде ешбір қиындық болмас үшін үй жануарыңызға алдын ала қам жасағаныңыз жөн. Сондай-ақ үй жануарларын серуендету ережелері де бар»,- деп жауап берді Асанова.
Сонымен қатар ол сайлау учаскелерінің барлық мүшелері стандартты емес ықтимал жағдайларға дайын болуы керектігін айтты.
Тұрғылықты тіркеуі жоқ алматылықтар үшін 20 қараша күні 55 дауыс беру учаскесі жұмыс істейді.
Айта кетейік, мегаполисте 1 миллион 170 мыңнан астам адам дауыс бере алады.
