Дәулет Кәрібек Жамбыл облысы әкімі Бердібек Сапарбаевтың орынбасары болып тағайындалды.
«Қазақстан Республикасы президенті әкімшілігінің келісімі бойынша Жамбыл облысы әкімінің өкіміне сәйкес, Кәрібек Дәулет Жамаубайұлы Жамбыл облысы әкімінің орынбасары болып тағайындалды», - делінген облыс әкімінің баспасөз қызметі таратқан мәлімдемеде.
Кәрібек Дәулет Жамаубайұлы 1990 жылы Жамбыл облысы Сарысу ауданында туған. Ол бұған дейін Астана қаласының Алматы ауданы «Jas Otan» Жастар қанаты төрағасының бірінші орынбасары, Қазақстан Республикасы Әділет министрлігі Сот сараптамасы орталығының инспекторы, «Jas Otan» жастар қанаты филиалының аппарат басшысы, менеджері, атқарушы хатшысы, төрағасы қызметтерін атқарған.
2019 ыжылы президент Қасым-Жомарт Тоқаевтың сайлауалды штабының «Team Qazaqstan» жастар қанатын басқарды.
Нұр-Сұлтан қаласы әкімдігінің жастар саясаты мәселелері басқармасының басшысы қызметін атқарған.
2021 жылдың қаңтарынан бастап бүгінгі күнге дейін «Nur Otan» партиясы Нұр-Сұлтан қалалық филиалы төрағасының бірінші орынбасары лауазымында қызмет жасауда.
Бұдан бөлек, Дәулет Кәрібек президенттік жастар кадр резервінің құрамында бар және «Nur Otan» партиясы саяси кеңесі бюросының мүшесі.
Байланысты жаналықтар
MalimBlocks
