Қапшағай қалалық соты саяси тұтқын Алмат Жұмағұловтың мерзімінен бұрын босату туралы өтінішін қанағаттандырмады. Белсенді сот пен прокурорға кеше түрмеде болған жағдайды (түрмеге әскер кіргізілген), өзінің соққыға жығылғаны жөнінде айтқанымен, оған олар мән бермеген.
Кеше Алмат Жұмағұлов жазасын өтеп жатқан Алматы облысы Заречный кентіндегі ЛА-155/14 түзету мекемесіне әскер кіргізіліп, тінту жүргізіліп, белсендінің соққыға жығалғаны жөнінде ақпарат тараған.
Халықаралық Адам құқықтары мен заңдылықты сақтау бюросының өкілі Инга Иманбай фейсбук парақшасында Жұмағұловтың соққыға жығылғанын хабарлаған.
«Заречный түрмесіне бүгін әскер кіргізіліп, тінту болып, саяси тұтқын Алмат Жұмағұлов соққыға жығылған. Қазір Бюро адвокат іздеп жатыр», - деген ол өз жазбасында.
Алмат Жұмағұлов 2018 жылы «Жиһадшылар ісі» бойынша 8 жылға сотталған. Оған «терроризмді насихаттау», «ұлтаралық араздық қоздырды» деген айыптар тағылған.
Құқық қорғаушылар Алмат Жұмағұловтың саяси көзқарасына байланысты қудаланғанды деп атап, оны саяси тұтқын деп атаған. Еуропарламент 2021 жылдың ақпанындағы қарарында Нұр-Сұлтанды «саяси тұтқындарды» босатуға шақырған. Оның ішінде Алмат Жұмағұловтың да атын атаған.
Байланысты жаналықтар
MalimBlocks
Жаңа облыстарда үй бағасы үш айда қалай өзгерді?
Президент Қасым-Жомарт Тоқаев 16 наурыз күні Қазақстан халқына жолдауында үш облысты бөлу туралы шешім қабылдағанын айтып, жаңа облыс орталықтарын таныстырған еді. MalimMedia сол жаңалық шыққан күннен бастап жаңа орталықтардағы тұрғын үй бағасын салыстырып көрдік.
Жаңа облыстардағы әкімшілік ғимараттар үшін бюджеттен 12 млрд жұмсалады
Жаңа құрылған Алматы, Жетісу, Қарағанды, Ұлытау, Шығыс Қазақстан және Абай облыстарында әкімшілік ғимараттарды сатып алу, жөндеу және жалға алу үшін 12 миллиард теңге жұмсалады. Бұл туралы ұлттық экономика министрі Әлібек Қуантыров айтты.
Ең кедей облыс: Жетісудың арқасында Қызылорда алға шықты
Экономиканы зерттеу институты Қазақстанда бөлінетін үш облыстың инвестициялары қалай өзгеріске ұшырайтынын көрсетті. Айта кетейік, Алматы облысының бөлінуі әсерінен инвестиция тарту бойынша соңғы орында қалып келген Қызылорда облысы тізімде алға жылжитын болды.