Грузияның экс-президенті Михаил Саакашвилидің анасы Гиули Аласания ұлының жағдайы туралы айтты. Гиули Тбилисидегі емханаға барған. Бұл туралы «Грузия-Онлайн» басылымы жазды.
Аласания М.Саакашвилидің жағдайы күн сайын нашарлап бара жатқанына алаңдаушылық білдірді. «Сұмдық жағдай, қу сүйегі қалды. Қабырғалары көрініп тұр, іші мүлдем жоқ, омыртқасы көрініп тұр» - деді ол.
Гиули Аласания ұлының дүйсенбідегі сот отырысына қатыса алмайтынын айтты. «Ол сотқа қатыса алмайды, көмекші құралдардың көмегімен қозғалады. Сондай әлсіреп қалған, тіпті олармен бірге жүре де алмайды», - деді Аласания.
Айта кетейік, Михаил Саакашвили Грузияда қызметтік өкілеттігін асыра пайдаланды деген айыппен алты жылға бас бостандығынан айырылған еді. Мамырдан бастап Саакашвили Тбилисидегі «Вивамед» клиникасында жатыр.
Еске салайық, бұған дейін Грузияның экс-президенті Саакашвили жатқан аурухана палатасынан видео жарияланған.
Байланысты жаналықтар
MalimBlocks
