Тимур Құлыбаев бүгіннен бастап "Атамекен" ҰКП төрағасы қызметінен кетті.
Құлыбаев бүгін "Атамекен" ҰКП президиум мүшелеріне үндеу жасап, өкілеттігін доғаратыны туралы мәлімдеді.
"Құрметті әріптестер! Бүгіннен бастап мен "Атамекен" Ұлттық Кәсіпкерлер палатасы төралқасының сайланған төрағасы өкілеттігін доғаруды ұйғардым. Маған сенім білдіргені үшін съезд делегаттары мен төралқа мүшелеріне алғыс айтқым келеді. Ұлттық Кәсіпкерлер палатасының жоғары бақылау органын басқару мен үшін сегіз жыл бойы үлкен құрмет пен жауапкершілік болды", - делінген үндеуде.
Тимур Құлыбаев - Назарбаевтың ортаншы қызы Динара Назарбаеваның күйеуі.
Айта кетейік, Тимур және Динара Құлыбаевтар Forbes тізімі бойынша Қазақстанның ең бай адамдар тізімінде көш бастап тұр.
