1 маусым күні Қарағанды облысында жүк пойызы екі жасар баланы қағып кетті, деп хабарлайды Malim.kz "Қазақстан темір жолы" ұлттық компаниясының баспасөз қызметіне сілтеме жасап.
Оқиға Қарағанды – Ақсақыр бағыты бойынша Қарағанөзек – Қарабас аралығында күндіз болған.
"Екі жасар баланың теміржол бойына шығып кетуіне байланысты жүк пойызының машинисі шұғыл тежеу қолданды. Бала жарақат алып, ата-анасы оны Қарағанды қалалық балалар ауруханасына жеткізді", – делінген компания хабарламасында.
Оқиға туралы ақпарат Қарағанды-Сұрыптау станциясының желілік полиция бөліміне берілді.
ҚТЖ ата-аналарды теміржол нысандарына жақын жерде балаларға мұқият болуға тағы да шақырды.
Фото: pixabay.com
