Қарағанды облысында алты асыранды балаға қатыгездік көрсетті деп айыпталған ерлі-зайыптылар мен олардың қызына сот үкімі шықты. Тергеу мәліметінше, патронаттық тәрбиеге алынған балалар бес жыл бойы қорлық көріп, ауыр жұмысқа жегілген, ұрып-соғылған және аштықта ұсталған.
Сот шешімімен отбасы басшысы Аян Исабаев 12 жылға, жұбайы Әлия Исабаева 10 жылға, ал қыздары Наурайым Исабаева 4 жыл 8 айға бас бостандығынан айырылды. Сондай-ақ әрбір жәбірленушіге моральдық өтемақы ретінде 10 миллион теңгеден төлеу міндеттелді.
Үкім заңды күшіне енген жоқ. Қорғау тарапы апелляциялық шағым түсірмек.
