Қарағанды облысының Қарқаралы ауданында, Қарқаралы мемлекеттік ұлттық табиғи паркінің аумағында, үш туристі іздестіру-құтқару жұмыстары жүргізілді.
Төтенше жағдайлар министрлігі баспасөз қызметінің хабарлауынша, олар бүгін таңертен серуендеу үшін тауға көтеріліп, адасып кеткен.
Таулы аумақты қарау үшін құтқарушылар ұшқышсыз ұшу аппаратын қолданды.
- ТЖМ іздестіру тобы туристерді Қарқаралы қаласынан 8 шақырым қашықтықтағы таулы жерде тапты. Оларға медициналық көмек қажет болмады, - делінген хабарламада.
Фото: видеодан скрин
