Қостанай облысының Лисаковск қаласында адам өліміне әкелген жол-көлік оқиғасы болды, деп хабарлайды Malim.kz.
Қостанай облысы Полиция департаментінің мәліметінше, Toyota Land Cruiser Prado көлігінің жүргізушісі бұрылу кезінде жаяу жүргіншіні қағып кеткен.
«Ауыр жарақат алған жаяу жүргінші медициналық мекемеде көз жұмды», – деп хабарлады ведомствоның баспасөз қызметі.
Аталған дерек бойынша полиция сотқа дейінгі тергеп-тексеру жұмыстарын бастады. Қазіргі уақытта оқиғаның барлық мән-жайы мен себептері анықталып жатыр.
