Бейжің америкалық микросхема өндірушілеріне қатысты екі тергеу жариялады, деп хабарлайды Malim.kz DW-ге сілтеме жасап.
Бұл шешім АҚШ-тың қытайлық компанияларға енгізген жаңа шектеулеріне жауап ретінде қабылданды.
Қытайда бірден АҚШ-тың жартылай өткізгіш секторына бағытталған екі тергеу басталды. Соның бірі, ҚХР Сауда министрлігі 13 қыркүйек, сенбі күні хабарлағандай, Texas Instruments пен ON Semiconductor компаниялары шығаратын кейбір аналогтық микросхемаларға, соның ішінде интерфейстік және драйверлік чиптерге қатысты демпингке қарсы шараларды қамтиды.
Сонымен қатар министрлік АҚШ-тың Қытайдың чип саласына қатысты «дискриминациялық әрекеттеріне» байланысты бөлек тергеу бастады. Ведомствоның айтуынша, Вашингтон енгізген экспорттық шектеулер мен тарифтер «Қытайдың жоғары технологиялық салаларының дамуын тежеу және басып-жаншу» болып табылады.
Фото: La Nacion/Zuma Wire/IMAGO
