Қазақстанға белгілі эстрада жұлдызы Мөлдір Әуелбекова «Ауыл» партиясының мүшесі атанды, деп хабарлайды Malim.kz.
Бұл туралы партияның орталық аппаратының қызметкері Қуаныш Сейітжанов мәлімдеді. Оның сөзінше, бірқатар әнші мен БАҚ өкілдері партия қатарына қосылған. Оның арасында Мөлдір Әуелбекова мен журналист Мейіржан Әлібекұлы сынды адамдар бар.
«Ел алдында жүрген азаматтар “Ауыл” партиясын таңдап жатыр. Өнер, білім, спорт, бизнес, ауыл шаруашылығы және медиа саланың майталмандары қатарымызға қосылды. Бүгін партия Төрағасы Серік Рахметоллаұлы партия билеттерін табыстады. Бәрі де ел үшін қызмет етпекке ниетті. Қатарымызға қосылған барлық партияластарымызға сәттілік тілейміз!», - деп жазды Қуаныш Сейітжанов.
