Сайрам-Өгем ұлттық паркінде қар барысы тағы да фототұзаққа түсті, - деп хабарлайды Malim.kz тілшісі.
Сайрам-Өгем мемлекеттік ұлттық табиғи паркі аумағында қар барысы тағы да фототұзаққа іліккен. Парк қызметкерлерінің айтуынша, Қазақстанның Қызыл кітабына енген әрі өте сирек кездесетін "тау падишасы" биыл осымен екінші рет фототұзаққа таспаланып отыр.
Бұл жағдай табиғатты сақтау үшін қолайлы жағдайлардың бар екенін және паркте жүргізіліп жатқан табиғат қорғау шараларының тиімділігін дәлелдейді.
Жабайы жануарлардың бақылау жұмыстары жалғасып жатыр.
Фото: Қазақ орманы
