Сауд Арабиясының астанасы Эр-Рияд қаласында, сондай-ақ елдің кейбір басқа өңірлерінде нөсер жаңбыр мен су тасқыны салдарынан мектептер мен жоғары оқу орындарында сабақтар тоқтатылды, деп хабарлайды Malim.kz Anadolu агенттігіне сілтеп.
Бұл туралы Сауд Арабиясының Ұлттық метеорология орталығы америкалық X әлеуметтік желісінде хабарлады.
Хабарламада айтылғандай, ел астанасында жауып жатқан жаңбыр таңға дейін жалғасады, содан кейін біртіндеп бәсеңдейді деп күтілуде. Әлеуметтік желілерде жарияланған кадрлардан Эр-Риядтың әртүрлі аудандарында су тасқыны мен нөсер жаңбыр болып жатқанын көруге болады.
