Атырау облысындағы шағын және орта бизнес биыл жарты жылда 2,4 трлн теңгенің өнімін өндірді. Бұл туралы брифингте аймақ әкімі Серік Шәпкенов мәлімдеді Бұл туралы Kazinform агенттігі жазыпты.
Оның айтуынша, бұл көрсеткіш жалпы өңірлік өнімнің 21,2%-ын құрайды.
— Биыл кәсіпкерлікті дамытуға 8,9 млрд теңге бөлінді, —
деп атап өтті әкім.
Жыл басынан бері кәсіпкерлердің жалпы құны 36,3 млрд теңге болатын 254 жобасы қолдау тапты. Соның нәтижесінде облыста 1 725 жаңа жұмыс орны ашылған.
- Әкімнің айтуынша, өңірде бизнесті қолдау шараларының қатарында мыналар бар:
- несиелер бойынша пайыздық мөлшерлемелерді субсидиялау;
- кепілзаты жетпейтін қарыздарға ішінара кепілдік беру;
- қайтарымсыз мемлекеттік гранттар;
- «Өрлеу» бағыты бойынша жаңа бизнес-бастамаларды қолдау.
