Шерзат Болатты өлтіру ісі бойынша ашық сот отырысында судья айыпталушылардан кінәні мойындайтын-мойындамайтындарын сұрады, деп хабарлайды Malim.kz.
Судья Ержан Жанұзақов сотталушылардан айыптау актісіндегі мәліметтердің түсінікті екенін және кінәні мойындайтын-мойындамайтынын сұрады:
- Абзал Шынасыл – бұзақылық бабымен кінәсін ішінара мойындады, "Адам өлтіру" бабымен кінәсін мойындамады;
- Равиль Сакиев – кінәсін толық мойындамады;
- Шыңғыс Белғожаев – кінәсін мойындады, алайда істегі сәйкессіздіктер барын айтты;
- Азамат Тоқтаубаев – кінәсін ішінара мойындады, "оқиға орнында болдым, бірақ қолымда пышақ болған жоқ.
- Телефонды алғаным рас, бірақ ұрлау мақсатында емес", – деді;
- Дархан Әскентай – кінәсін мойындамады;
- Нұркияс Ілиясов – кінәсін мойындамады;
- Нұрбол Тоқтаубаев – кінәсін ішінара мойындады;
- Дидар Қалиахмет – кінәсін толық мойындамады;
- Думан Ысқақ – кінәсін толық мойындамады.
Судья сот отырысының тәртібін белгіледі:
-алдымен жәбірленушілерден жауап алынады,
- содан кейін куәлар,
- кейін сотталушылар тыңдалады.
Келесі сот отырысы 18 сәуір күні сағат 10:00-ге белгіленді.
Фото: Жоғарғы сот
