«Ән арқылы түсінесіздер». Нұрлан Әлімжанов Әйгерім Қалаубаевамен қарым-қатынасы туралы мәлімдеме жасады

Әнші, актер Нұрлан Әлімжанов өнердегі әріптесі Әйгерім Қалаубаевамен арасындағы қарым-қатынас туралы айтып берді, деп хабарлайды Malim.kz.

Көпшіліктің алдына мерекелік іс-шараларда шығып жүрген Нұрлан Әлімжанов пен Әйгерім Қалаубаеваны "жұп" болса екен деп тілек айтып жатады. Оған өнер иелерінің үнемі бірге жүруі және бір-біріне көрсеткен қамқорлықтары себеп болған. "1001 түн" бағдарламасында Нұрлан Әлімжанов көптің көкейіндегі сұраққа жауап берді.

Алдағы уақытта YouTube парақшамызда бірлескен жобамыз жарық көреді. Екеуміздің арамыздағы байланысты ән арқылы, бейнебаян арқылы, болашақта түсірілетін кино арқылы түсінесіздер. Бізде қазір үлкен жоба басталды. Бұл той үшін жаза салатын әндер емес. Өресі бар есті әндер, мән-мағынасы бар, халыққа рухани мұра болып қалатын дүниелерді жасап жатқан жайымыз бар, - дейді ол.

Енді Әйгерім Қалаубаева екеуі басқа өнер адамдарымен ән айтпайтынын атап өтті. Бүгінгі күнге дейін 3 ән жазылғанын және алдағы уақытта альбом жарыққа шығатынын айтты.

Енді осы жоба басталғалы ол тек менімен, мен онымен ғана дуэт айтатын боламыз. Сондай шешімге келдік. Бұған кәсіби түрде қарап жатырмыз. Өнердегі жұлдызды жұптардың қатарын толтырамыз, - деді өнер иесі.

Фото: Видеодан скрин