Дариға Бадықова 90 миллион теңге тұратын көлік сатып алды
Актриса бұған дейін жылжымайтын мүлік алғанын айтып еді
Қазақстандық танымал актриса Дариға Бадықова әлеуметтік желіде оқырманына қуанышты жаңалығын жеткізді, деп хабарлайды Malim.kz.
«Келінжан» сериалындағы Айсара рөлімен танымал болып, қазір өзі де продюсерге айналған Дариға Бадықова бұған дейін қымбат брендтерден сағат, киім алатынын айтып еді. Актриса арзан дүниені менсінбейтінін де жасырмаған. Енді бұл жолы өнер иесі Instagram-дағы stories-те құны 90 миллион теңге тұратын Cadillac көлігін сатып алғанын мәлімдеді.
Менде жалпы қарапайымдылықтың «потологы». Көп нәрсеніе ешкімге көрсетпеймін, айтпаймын. Адал еңбектің ақысы деген ниетпен шығардым. Шығарудың себебі бүгін бір шешімге келдім. Тозғанша, бұйырғанша жүргіземін деген, — деп жазды актриса.
Актриса жақында ғана «Таптым-ау сені» киносынан түскен 2 млрд теңгенің жартысын Kinopark-қа беріп, қалғаны да жөнімен жұмсалғанын тілге тиек еткен. Сол кезде тек жылжымайтын мүлік сатып алып, көлікті кейінге қалдырғанын айтқан.
Мен өзім шашып жүретін адаммын. Жан-жағыма бердім. Екінші киноға ақша алып қалдым. Өзіме пәтер сатып алдым. Еңбегім бар ғой. Оны да алмайтын едім. Барымен базар деп жүре беретін едім. Жылжымайтын мүлік болсын деген оймен алып қойдым. Көлік алмадым. Өз көлігім бар, - деген өнер иесі.
Фото: instagram.com/dariga_badykova
