Қазақстандық әнші Мадина Сәдуақасова өзінің жас көрінуінің құпиясын ашты, деп хабарлайды Malim.kz.
Өнер иесі продюсер, актер әрі тележүргізуші Нұрлан Қоянбаевты 45 жасқа толған туған күнімен құттықтап, көпшілікті сұлулығымен тамсандырды.
Нұрлан Қоянбаевтың кешіне әнші ақ көйлекпен барған. 44 жастағы әнші өзіне айтылған сынға да жеңіл қарайтынын, тіпті оны әзілге айналдыра алатынын көрсетті.
Мадина Сәдуақасова желіде кеңінен тарап кеткен сөздерді қайталады.
Бәрі менен 25 жасқа ұқсайтынымды айтады. Ешкім 33-те екеніме сенбейді. Себебі мен әншімін, әдемі көйлектер киіп еркелеп жүремін. Бір бала ғана туғанмын, енеммен тұрмаймын, тамақ пісірмеймін, үйдің тірлігін істемеймін. Ешкіммен қырылыспаймын, проблемам жоқ, ұйқым қанық, ешкімге есеп бермеймін, өзімді күтемін, дамимын. Гастрольдетіп әр қалаға той-концертке шығамын, көп ақша табамын, барлық пабликте, жаңалықтарда жүремін. Құрдасым Нұрлан Қоянбаев 45-ке толғанда, бәрінің көзін қыздырып, ақ көйлек киіп, жарқырап туған күніне бардым, - деді әнші.
Өнер иесінің оқырманы да оған мақтау сөздерді жаудырған.
«Ең әдемі», «Ерекше сұлусыз», «Эстрадада Мадина сияқты сұлулар жоқтың қасы ғой», «Бұл сөздердің нағыз иесі табылыпты», - деп жазған.
Фото: instagram.com/sadvakasovamadina
Байланысты жаналықтар
MalimBlocks
